O lea ua savei oloolo le seuga a tautaiali’i ae mapu i tuāvao manu sa fa’aolo. Lau susuga i le ta’ita’i o le sauniga, talitonu ua logo le lagi ma fa’afofoga le Tapaau Sili aua o lele ua e momoli laau i Foga’a ma faaleo le tatou taulaga faafetai i lenei Taeao fou.
Malo le fai o le faiva, fa’afetai mo le upu fa’a-le-agaga. Tau ia o se fatu e pa’u i se eleele lelei le feau molimoli ina ia tupu ma ola i aai o finagalo. O la matou tatalo ia manūfa’aifo mai lagī manuia ma ia tumu le utu auā lou soifua valaauina i le feau ma le talalelei.
E manatu o lele ua talanapasina le taeao ‘ula, aua o lea ua atoa usu le aiga Sa Tagaloa, aea le maualuga lele ua malu taue’e i le afifio ma le tala mai o aao. Tulouna le paū o le Maota i le Susū o lau Susuga i le Ta’ita’i o le Sauniga, lau Susuga Reverend Valaauina Taumua, o le Faafeagaiga a Tapaau ma Salelologa.
Afifio le au Valaaulia vaeane le fafati mai o le fala si’isi’igata o Tamali’i ma Tapa’au tausi o tatou Itumalo na lua ua poto i lenei matagofie, lele fo’i ua malo’u mai le atu fuesau i to’ouli ma to’otau, vaeane Tulatoa ma le Ituvao o Fale’upolu, ae a Faletua ma Tausi, Alo ma Tupulaga Talavou. E faatalofa ma ofo alofa atu.
“O Tama, o le Fetu Ta’iala mo le manuia o fanau, aiga, nuu ma le atunuu”.
E faaleo le agaga faafetai tele i tama uma o le atunuu, i lo outou galulue filigā, o le tuuto ma le lē faalogologotiga aemaise o galuega alofa ua molimauina ile tele o a outou taumafaiga mo le manuia o aiga, nuu ma le atunuu.
O le 19 lenei o tausaga talu ona fa’amanatu e Samoa le Aso Fa’apitoa o Tamā, e fa’ataua ai lo latou sao i le ta’ita’iina ma le tautuaina o Aiga, Nu’u, Ekalesia ma le Malo. Ua tatou fa’amanatu fo’i i lenei tausaga, ina ia saga patipatia ai galuega ta’iala e ala i pulega ma ta’ita’iga lelei mo se manuia lautele o tagata uma o le aiga, nuu, itumalo ma le atunu’u.
O le Autu o le Aso Faapitoa o Tamā 2024; “TAMĀ: O se Malamalama
Ta’iala, e faasusulu atu Ala o le Filemu ma Manuia”.
O lenei Autu o loo atagia ai le matafaioi o tama i ona tiute ile faafaileleina ma le apelepeleina o fanau. O Tama o sulu, o le malamalama, latou te aoaoina fanau i ala o le manuia, o le malu mafalā, o le taiala mo le lumanai manuia. O le malosi o aiga ma afioaga e Faavae lea i la outou ta’itaiga .
O lenei Aso Fa’apitoa o Tamā tatou te toe tō manatu ai ma patipatia ai o tatou tua’a (Tamā), o latou sa avea o Ta’iala i totonu o aiga, nuu, Ekalesia ma le Malo. O la latou tu’utō, e ositaulaga ma le alofa e sili atu ona loloto, ma e le mafai ona faamatalaina. O a latou ta’ita’iga e tu māti’e, e ola fiafia ma manuia ai aiga, nuu ma soo se Faalapotopotoga. Faimai o Tamā o latou o Fa’ailoga o le Malosi ma le Poto, o ni faufautua ma ni Ta’iala e faatonu folau i faigamalaga lē mautonu i olaga o alo ma fanau.
Tama, o outou e faatusa i mauga tetele e tua i ai mauga iti. Afai e leai se amiotonu i totonu o pulega, ta’ita’iga ma saofaiga, o le a lofia aiga, nuu, ekalesia ma soo faapotopotoga o tagata i fa’afitauli ma fa’alavelave mātuia, ma i’u ai i le lepetia o le soifuaga manuia ma le soifua filemu o tagata.
I lenei vaitau o le talutalufou ma le laumea toenuti, sei e toe tapue lava faalaau toto tupulaga talavou o lo tatou atunuu. Ua tele faafitauli ona o fualaau faasaina, o le ava malosi, gaoi ma le talepe fale, o mataupu tau sauaga e aafia ai fanau tamaitai ma alii foi. Ua aafia ola ma soifua ona o laau malosi. Ua pei o se mea fua le faauma o le soifua o se tagata aemaise alo ma fanau iti ona o le faaaupegaina o tupulaga talavou i laau malosi.
A o le fesili “O le a ea le afuaga ma le a’a o nei faafitauli ua tulai mai?”.
“O lau ta’ita’iga ea Tama?”…“ O ai e tua iai?”.. “O ai e faasinoala i fanau, aiga ma nuu?”
Ioe, Tama ia avea outou ma toa, e faia ni suiga lelei ma aoaoina ni amioga ma uiga lelei mo a tatou fanau. O outou e taulai atu iai le vaai a fanau ma o latou faamemelo iai. O outou o le maluapapa ma le faasino ala i a outou fanau, e te tapenaina ma apelepelea ile alofa ma lou ofoofotai ina ia tupu ma ola i se siosiomaga saogalemu, fiafia ma le manuia. O lou gafa latou te tauaveina, o lo latou ala ile va-tapuia, ma lo latou malu mafala.
Aua ne’i mate lau lamepa, a ia faasusulu atu pea le malamalama ina ia ausia ma faatumauina le soifua maloloina, le soifua manuia, ma faatino pulega lelei i totonu o aiga, nuu ma afioaga. Ia malu puipuia ma saogalemu o tatou siosiomaga faaleaiga, nuu ma le atunuu aemaise o tatou faasinomaga i lau taitaiga alofa.
O Tama e taulamua i mataupu tau i le amanaia o avanoa tutusa mo tina ma tamaitai, o le soifua manuia, o le soifua maloloina ma le amanaia o tagata uma. E te faia faataitaiga lelei e savavali ai fanau, ma aoao atu le taua o le nonofo fealofani ma le tausiga o le filemu I totonu o nuu ma alalafaga. E taua le pitolaau a Tama i taitaiga ma pulega lelei pe a faalogo ma amanaia uma leo aua e manuia ai mea uma.
Tamā, o la outou tofā ma le fa’autaga, e mafai ona ausia ai vaega
moomia e tafiesea ai faafitauli o loo lofia ai aiga ma nuu. O le tofā ma le utaga e ta’iala ma faia le amiotonu ma faataua tagata uma. O oe tamā o le sili’aga o aiga, ia moefa’auouo ma le Mataisau o le Foafoaga. O le tofā e fesili, e futiafu ma olo’olo pitova’a fa’atasi ma le Atua e lē satia ai le folauga i le ala.
A o le’i faaiu atu se faamatalaga, oute fia faailoa atu o le a faatino
polokalame faaleaoaoga, faatalanoaga ma siaki faalesoifua maloloina iinei Savaii I Faasaleleaga 1&3 faapea Upolu i Aleipata Itupa I Luga ma Aleipata Itupa I Lalo. E faatautaia e Faalapotopotoga o Aiga Soifua Maloloina a Samoa (Samoa Family Health), Matagaluega o le Soifua Maloloina, faapea le SUNGO.
O outou Tamā, o outou lava o le Malamalama Ta’iala, e faasusulu atu ala o le filemu ma manuia. Ia manuia tele le Aso Fa’apitoa o Tamā 2024.
……………………………………………….
“Fathers, you are the North Star for your child, your family, your village, your nation.”
On behalf of the Ministry of Women, Community, and Social Development,
I extend my heartfelt gratitude to all fathers for your unwavering dedication and love. Your efforts do not go unnoticed, and today we celebrate you on this 19th year since Samoa began recognizing this special day, dedicated to honoring the invaluable contributions of our fathers.
“A father is neither an anchor to hold us back nor a sail to take us there, but a guiding light whose love shows us the way.”
Allow me to share a short story. In a small village nestled by the sea, there was a father named Tupu. Every evening, he would take his children to the shore and teach them how to navigate by the stars. One night, during a particularly stormy weather, his daughter, Leilani, was scared and uncertain. Tupu held her hand, pointed to the brightest star, and said, “This star will always lead you home, just as I will always be here to guide you.” That night, Leilani learned more than navigation; she learned about trust, love, and the unwavering support of her father.
Father’s Day 2024 theme, “Fathers: A Guiding Light, Illuminating Paths of Peace and Prosperity,” beautifully captures the essence of fatherhood. Fathers are the guiding lights, providing wisdom, strength, and direction. Their leadership and dedication are the foundations upon which our families and communities stand strong.
In today’s world, the principles of gender equality and social inclusion are essential. Fathers, you play a pivotal role in promoting these values within your families and communities. By demonstrating respect, equality, and inclusion, you help create a society where everyone, regardless of gender, can thrive. You set the example for your children, teaching them the importance of these principles in building harmonious and prosperous communities.
“You are the first hero for your child, the one they look up to with awe and admiration. You are the complete protector and guide for your child, providing the love and support they need to grow and flourish.”
On this special day, we honor our ancestors, the fathers who have come before us. Their sacrifices, love, and unwavering commitment are beyond measure. They have been the pillars of strength, guiding their families through life’s challenges and ensuring the happiness and success of their loved ones. These fathers are the great mountains upon which smaller hills rely.
In every family, village, and organization, the righteousness in governance and leadership provided by fathers is crucial. However, true progress and harmony are achieved when fathers, mothers, and families work together in decision-making. Inclusive leadership ensures that all voices are heard and valued, leading to better outcomes for everyone.
Fathers nurture supportive family environments, fostering love, respect, and cooperation. By collaborating with mothers and involving the entire family in decision-making, we create a strong foundation for future generations.
Fathers contribute to their families’ prosperity through work, home, business, and financial planning. When fathers and mothers collaborate on decisions, they ensure economic stability and resources, securing a brighter future for their children and communities.
We are proud to announce that educational programs, discussions, and health check-ups will be conducted in Savaii and Upolu. These initiatives, led by the Samoa Family Health Association and the Ministry of Health, aim to promote health and well-being.
Additionally, the Samoa Umbrella for Non-Governmental Organizations (SUNGO) will provide presentations on good governance and ensuring safe and protected environments.
Fathers, we are grateful for your support and wisdom. With God’s grace, you make our journey smooth and illuminate paths of peace and prosperity.
Thank you for being our guiding light.
Wishing you all a very Happy Father’s Day 2024.
Soifua ma ia Manuia.
SOURCE – Ministry of Women, Community and Social Development
