(Friday, 27th September 2024)
• Reverend Ionatana Tupolo,
• Honorable Acting Prime Minister, and Ministers of Cabinet,
• Members of the Diplomatic Corp,
• Ladies and gentlemen,
Talofa lava & Good Evening…
It is my honour and privilege to welcome all of you today to the Official Opening of the Newly built VIP Building, here at Faleolo International Airport.
In today’s world, airports are not just gateways to our beautiful islands; they are the first impression visitors have of Samoa. It is a place where comfort meets efficiency; where every traveller, whether a dig-ni-tary or a tourist, will feel the true essence of Samoan hospitality.
It is not just about the infrastructure; it is about the broader vision of reaffirming Samoa’s position as a key player in the Pacific aviation landscape.
HISTORY OF CONSTRUCTION DEVELOPMENTS
The cost for the New VIP lounge amounts to approximately $11.2 million tala; fully funded by the Samoa Airports Authority.
The construction started in November 2023, and was officially completed August 2024, carried out by Zheng Construction Company. The design and overseeing of the project’s progress was executed by SUCON Consultancy Ltd.
This facility is not only appealing but also capable of accommodating a larger number of visitors of up to 300 individuals, compared to the former VIP Lounge, which could only house a maximum of 50 guests.
This new VIP Lounge and associated works, showcases the architectural beauty that embodies our rich culture & heritage.
As we look ahead, our focus remains steadfast on improving connectivity, fostering economic growth, and promoting tourism. This new VIP is a cornerstone of these efforts.
It will serve as a hub for important discussions, collaborations, and partnerships that will drive Samoa’s progress and prosperity.
In conclusion, I wish to thank the Samoa Airport Authority Board of Directors & Management for their vision, and the staff for the successful execution of this remarkable project.
I would also like to thank the Government for championing this project from the very beginning. Your belief in our aspirations has been instrumental in making today a reality.
We also extend our heartfelt gratitude to our communities and our nation for the support and prayers, which continue to fuel our drive for a better Samoa.
Once again Ladies & Gentlemen, your presence here today signifies your commitment to our shared goals. Together, we can inspire innovation and drive positive changes.
I now, hereby declare this newly blessed VIP Lounge, OPEN!
Thank you all for coming.
Soifua ma ia Manuia.
SAUNOAGA AUTU AFIOGA HON. OLO FITI AFOA VAAI, MINISITA O GALUEGA, FELA’UAIGA MA ATINA’E ESEESE – Tatalaina Aloaia O Le Fale Talimalo Fou (Vip Building) Mo Malo Fa’aaloalogia i Le Malae Vaalele Faavaomalo i Faleolo
(Aso Faraile, 27 Setema 2024)
Lau susuga i le taitai o le sauniga – Susuga le Faafeagaiga Ionatana Tupolo,
Lau Afioga i le tamaitai Sui Palemia, Honorable Matamua Vasati Pulufana,
Outou Afioga i Minisita o le Kapeneta, ma Minisita Lagolago
Lau Afioga i le Fofoga Fetalai,
Taitai o le Itu Agai, ma Sui Mamalu o le Palemene,
A outou Afioga i Amapasa & Konesula o Malo mai fafo i Samoa,
Lau Afioga i le Taitaifono & Komiti Faatonu o le Pulega o Malae Vaalele,
Fa’auluuluga o Matagaluega ma Faalapotopotoga Eseese a le Malo,
A outou Afioga i Pule Sili & Sui o Kamupani Eseese, Pa’aga a le Pulega o Malaevaalele.
Le Mamalu ile Au Valaaulia & Paia maualuga o le Atunuu ua ofaga potopoto,
TALITONU! lea ua vagana ile Tupua le taulafoga nai Atua Aua le toliva male laulau sasa’a o ou faiva manaia. Ua savini faapunu ai lagona o lenei aso. Aua o lea ua faatalimaua le atu ale Tautai Ua liliu foi le lupe male lau olive lē sa tagifano ile ala….. e saili manu aua Samoa. MANATU LEA, lea ua tala-na’i maea ole vaaloa ma lafoa’i atu ile utuutu, ina ua lē talifau le upega ae ua tu poupou le finagalo ole Atua.
Faafetai i lau Susuga ile Faafeagaiga.
FAALUPEGA O SAMOA
Ae oute lei taia-ina ao o Maugaloa & tatala le ta’afi tua-lua na ifo ai le aso ole aiga Sa Saumani & Alataua
E muamua ona ou faatulou atu ile Tupua & Malae faitaulia o eleele sa nei.
Ile afio o Toalepaialii o le Sa’oalii faapea Satuala,
Tainane Lau fetalaiga Vaili ole laau na fausia
Faapea foi le lauti-na-laulelei & mamalu ile Falea’ana.
Ae ole a lelepa ia faava’atiu o aau loloa paia o lenei aso. Paia Faa-Ekalesia, Paia Faa-le-Malo & Paia-Faa-le Aganuu. O le a le oo iai se matou tala Aua e faigata o Samoa ole tala-mata-soo e le toe soona tafoeina. Ole vaosa fo’i e lavelave, ma e ui ina sa-ō le vaomatua, ae ua iloga lava ona tuasivi ma mauga maualuluga e to’a iai ao ole lagi.
Ae o lenei taeao na liugalua ose taeao ua ula. Ua liligo ai nei le Fogatia, ua paū Tua’au ma Fuamalu. O lea ua malu taue’e le paia o lenei aso, lea e afio mai le Afioga ile Tamaitai Sui Palemia ma le Kapeneta, le Fofoga Fetalai & mamalu ile au valaaulia faapea Samoa ua potopoto i lenei aso.
FOLASAGA ole GALUEGA
E iai le talitonuga e lē tunoa faiva o Samea, e le o toe po foi malaē i le ‘auga o Aute e pei ona vala’au fa’aaloalo atu ai le Komiti Faatonu ma le Pulega o Malaevaalele, tatou te patipatia lenei atina’e ua a’e ma le manuia faiva a tautai. E fa’aleo ai le Agaga fa’afetai tele i lo outou talisapaia o lenei vala’au se’i o tatou tatala aloa’ia lenei atina’e taua ale tatou Malo e pei ona fitaituga ma faatinoina ele Faalapotopotoga ole Pulega o Malaevaalele Sivili.
FUAFUAGA & MAFUAAGA
O lenei galuega, Tasi lenei o atinae taua sa fefulisa’i ai le tofa a le tatou Faigamalo. O se fuafuaga ma se vaai mamao ale tatou Malo ile toe siitia atu lea ole tatou fale-tali malo tauoloa ile malae vaalele nei i Faleolo ise isi tulaga maualuga atu i ona foliga aulelei e pei ona tatou molimauina ile aso. E le gata foi i lea, ae ia siitia foi le tulaga ole auaunaga faava-o-malo ile mulimulitaia pea lea o Tulafono o Malae Vaalele Faa-va-o-malo ina ia mautinoa le saogalemu lelei o tagata uma e uia lenei malaevaalele i Faleolo nei.
O ni suiga vaaia ole a tatou molimauina ile faaogaina o lenei fale fou
Ole a le toe iai se toe savavali atu o a tatou Malo i fafo atui le mea oloo tutu ai vaalele ma toe agai atu i totonu o potu faatali-pasese e faatali ai taimi o a latou faigamalaga. Ae ole a agai sa’o atu lava i totonu ole fale fou lenei i lona auala taavalevale (travelators) ma momoli sa’o loa oe i totonu o le vaalele i lou nofoa. Faapena foi le agai mai i totonu o lenei fale, ole a faapena foi ona malu puipuia tagata uma.
Ole a siaki uma tatou Malo ele Immigration, Customs, ma Security screenings i totonu lava o lenei fale faatasi ai ma a latou ato ile agai atu iile vaalele male toe foi mai.
Ole a iai foi a tatou taumafa eseese & tatou bar mo le taliina o manaoga o a tatou Malo.
O fale taele sei tulou e te faamalu ai a o lei agai atu ile vaalele.
O loo ua iai foi le lifi mo Malo matutua.
Ua iai foi a tatou cameras i totonu ma fafo o lenei fale. O lona uiga e sili le faamavae lelei i aiga a o lei agai mai ile tatou fale lenei mo faigamalaga.
TALA O LE GALUEGA
Ole fale lenei sa fausia i le tau e tusa ma le $11.2 miliona lona tau aofai. Ma sa faatupeina lava e le tatou Malo tau ala mai ile Pulega o Malae Vaalele.
O le Kamupani a le Zheng Construction sa gafa ma le fausiaina o lenei Galuega atoa, ina ua manumalo i tauofoga faalauaitele masani a le Mālō. Ae o le SUCON Consultancy Ltd sa gafa ma le tusiaina ole ata atoa ai ma le va’ava’aia ma mātaitu lelei le faatinoina o le galuega faainisinia, e tusa ma aiaiga & maliega seia oo lava ina mae’a ma tuuina atu loa i le Pulega o Malae Vaalele mo le fa’aaogaina.
Na amatalia lenei galuega ia Novema i le Tausaga ua tuanai 2023 ma mae’a ai ia Aukuso 2024, ua mafai ai loa ona faaogaina mo Malo mamalu e asiasi mai i atunuu i Fafo. O lenei fale fou ua mafai ona tali ai ni malo e tusa lona aofaiga ma le 300 tagata, ma ua sili atu nai loo le fale tuai sa iai, e nao le 50 tagata e mafai ona tali ai.
Ole upu moni Tele ni lu’itau sa feagai ma le Malo faapea foi le Pulega o Malaevalele i lenei galuega. Aemaise lava le tuliloaina ole taimi e faamae’a ai aua lona faaogaina. Peitai sa le’i solomuli ai le tatou Malo ona ole taua o lenei atina’e aua se manuia o tatou tagata i le lumanai.
Faafetai atu ai ile Afioga ile Taitaifono & Komiti Faatonu ma le Pulega o Malae Vaalele i la outou miti ma la outou vaai mamao, lea ua atoa tino ma ua tatou molimauina lona matagofie i le asō . Avatu ai le Faamalo i lo outou galulue punoua’i male le faalogologo tiga. Ole upu moni ua tau le ai o lapega ona o lo outou loto-tetele.
Faapito augafa se faamalo ile Kamupani a le Zheng Construction Ltd mo le fa’asoaina o lenei $11.2 miliona, i nisi o Kamupani laiti e 17 a le tatou atunuu, e aofia ai fo’i ma le Aoga Tusiata a alo ma fanau a le EFKS i le Kolisi i Leulumoega fou, mo le fausiaina o lenei fale i lona atoaga.
E iai le lagona maualuga a le tatou Malo o le a tēlē se aogā o lenei Fale Talimalo taualoa a le Malae-vaalele ile faamoemoe a si o tatou atunuu i lana taliga-malo ile fonotaga a taitai o Malo ale Taupulega ile masina nei, E le gata foi i lea ae ua mafai foi ona faaogaina e o tatou lava tagata faapea foi a tatou paaga faapisinisi Aemaise ai le aloaia lelei o a tatou Malo mamalu fegasoloai mai atunuu mamao mai lea taimi i lea taimi.
Foi mai se matou tala Ia faamanuia mai le Atua i lenei galuega. Faamanuia le Atua ile Pulega o Malae Vaalele aemaise foi lenei aofia.
SOIFUA.
Ata Pueina – Malo o Samoa (Peseta Tusiga Taofiga)
