Thursday 10th October, 2024 (9:00am – 10:00am – Infront of the Government Building)
Captain Eric Turner (Regional Leader of Salvation Army, Samoa),
Hon. Cabinet Ministers,
Members of the Diplomatic Corps,
Heads of Government Ministries and Corporations, NGOs,
Distinguished guests,
Ladies and Gentlemen,
Talofa Lava! And a Warm Welcome!
It is a great honor to stand here and address you today on a topic that is vital for our individual well-being, our workplaces, and ultimately, our nation – ‘MENTAL HEALTH IN THE WORKPLACE’.
Today, we rally to not only recognize the importance of mental health but to ensure that it becomes a pillar of how we work, how we lead, and how we care for one another in the workplace.
Today, the 10th of October is the commemoration of the World Mental Health Day globally including Samoa, with the overall objective of raising awareness of mental health issues around the world, on its theme – ‘Healthy Minds, Healthy Workplaces’. It is also the last day that ends the commemoration of the activities for the Mental Health Awareness Week in Samoa, which started on Sunday 6th October, 2024.
As this year’s World Mental Health Day puts more emphasis on the
importance of Mental Health in the Workplace, I am humbled indeed to speak not only as a leader and as an employer but an employee of the Government of Samoa.
Mental health is not something that exists in isolation. It is deeply tied to every part of our lives, including the workplace. The workplace is where we spend a large part of our days. It is where we contribute to our communities, earn a living, and grow professionally. But the workplace can also be a source of stress, anxiety, and pressure.
In Samoa, the demands of work, the increasing pace of change, and the responsibilities we all carry, whether as employees or leaders can take a toll on our mental well-being. When stress becomes overwhelming and mental health is not prioritized, the results are clear. There will be a decrease in productivity, an increase in absenteeism, and a general decline in workplace morale.
However, mental health challenges do not just impact the workplace, they impact individuals, families, and communities. When an employee is struggling mentally, it affects their ability to engage fully at work, their relationships at home, and their overall quality of life. This is why it is essential that we take a proactive approach in addressing mental health in our workplaces. It is not just good for business; it is good for people.
Samoa, like many other nations, is facing a rise in Non-Communicable Diseases or NCDs including those related to mental health. NCDs accounts for over 80% of all deaths and more than half the premature deaths in Samoa. Therefore, mental health conditions such as stress, depression, anxiety, and burnout are no longer issues we can ignore. In fact, mental health conditions are among the leading causes of lost workdays, lower productivity, and long term-disability worldwide.
The Ministry of Health in Samoa has integrated mental health into our national health strategy, recognizing the importance of both physical and mental well-being for a healthy Samoa. In the workplace, we must follow suit. We cannot build a prosperous Samoa if our workforce is unwell, both mentally and physically.
A lot of organizations including our Health Sector Partners who are
gathered here today, both public and private have recognized the
importance of mental health through their combined efforts such as awareness campaigns, advocacy, offering of coping platforms and mechanisms for our people to be more resilient. More workplaces are adopting policies that address mental health and are working to reduce the stigma associated with mental illness.
However, we need to accelerate these efforts and ensure that all
workplaces, no matter the size or sector, are places where mental health is supported.
Let us commit to making mental health a priority in every Samoan
workplace. We can take practical steps such as raising more awareness on mental health; develop and implement supportive policies; foster a culture of care by showing compassion and understanding toward each other; and collaborate with Mental Health Services in Samoa for counselling and support.
In Samoa, we have a unique opportunity to lead by example. By
prioritizing mental health in the workplace, we not only improve the lives of our employees but also enhance productivity and success of our businesses and institutions. Let us move forward with the spirit of fa’aaloalo, valuing and respecting the mental well-being of every
individual.
I would like to take this opportunity to acknowledge our partners and stakeholders from government, the guidance and support of the World Health Organization, development partners, the private sector, NGOs, and civil society. Thank you for your continuous support towards the work of mental health in Samoa. Your commitment demonstrates your dedication to the health of our people.
Ladies and Gentlemen – Together, we can build workplaces that not only contribute to Samoa’s economy but also to the happiness, health, and well-being of our people.
SOIFUA MA IA MANUIA!
SAUNOAGA AUTU: AFIOGA FIAME NAOMI MATA’AFA – PALEMIA O SAMOA I LE SAVALI FA’APITOA – FA’ATAUAINA O LE VAIASO O LE SOIFUA MALOLOINA O LE MAFAUFAU
Aso Tofi, 10 Oketopa 2024
9:00am – 10:00am – Luma Maota o le Malo
Lau Susuga i le Taitai o le Sauniga, Captain Eric Turner,
Lau Afioga i le Sui Palemia, Afioga i le Saoali’i, Tuala Tevaga Iosefo Ponifasio,
Paia o Minisita o le Kapeneta,
Sui o Malo Aufaatasi ma Faalapotopotoga mai Fafo,
Le paia ma le mamalu ua aofia potopoto,
O le asō, ua fa’ailogaina ai e le lalolagi atoa e aofia ai ma Samoa le Aso Fa’apitoa o le Fa’atauaina o le Soifua Maloloina o le Mafaufau. Ua fa’ai’u ai fo’i ma polokalame e pei ona tapisaina ai e Samoa le Vaiaso Faapitoa mo le fa’alauiloaina o le taua o le Soifua Maloloina o le Mafaufau, e pei ona sa amata mai le Aso Sa 6, Oketopa 2024.
Tatou ave lea o le vi’iga i le Atua, ua livaliva le foe a le tautai, ua a’e manuia taumafaiga o lenei vaiaso.
O le soifua maloloina o le mafaufau e aofia i le fa’atulagaga fa’asaienisi o sē tasi o gasegase tumau, ua to’atele nisi ua a’afia ma maumau ai le soifua. E tusa ai ma fa’amaumauga fa’asoifua maloloina, e sili atu ma le 80% o tagata Samoa ua a’afia i gasegase tumau e a’afia ai totoga e pe’i o le suka, toto maualuga ma o’o ai ina maua i gasegase o le fatu, kanesa ma isi. O lo’o aofia ai i totonu ma le faitauga o tagata ua a’afia tumau le mafaufau i le faitauga o nei gasegase tumau. O fa’amaumauga lata mai, o le to’atele ua a’afia le mafaufau ma fa’amauina e mafua mai ona o le soona tagofia o le ava malosi. Ma ua mafuli i tupulaga talavou o lo’o nonofo i nu’u tu taulaga, o i latou fo’i nei e faigaluega.
O le sini autū o lenei tausaga ma lona fa’amoemoe, ua ave le fa’amamafa i le soifua maloloina o le mafaufau i totonu o fale-faigaluega. O se tasi o mataupu ua le Pau, le Vau, a ua fa’atāfea i le auau e nisi tagata. Atonu e malamalama gofie pe a tatou talatala iai, ae faigata lona fa’atinoga ma e le’o lagonaina e le to’atele.
Afai o le tele o le taimi o le tagata faigaluega e alu i totonu o le fale-faigaluega, e tatau ona tapena fa’afafine to’aga le silasila mamao i le mafaufau manuia o le aufaigaluega. E lē masino o le a si’itia se auaunaga, tele tupe maua ma fa’afiafiaina le ta’ita’i o le fale-faigaluega, o le aufaigaluega faapea ma aiga o lo’o tapua’i mai.
E le o pō malaē le to’atele o e pele ia tatou uma, o fanau, uso ma tuafafine faapea tua’ā ua a’afia mafaufau. E le gata o i latou ua iloa āuga ma iai foliga va’aia,ae fa’apena ma nisi o lo’o a’afia i nisi o gasegase ua avea ma mafuaaga ua a’afia ai ma le mafaufau. O le popōlega tele, o le to’atele o lo’o a’afia e le’o mafai ona iloa, ma o nisi ua a’afia ma ma’imau ai le soifua ona o le pule i le soifua. Ua taotaomia le saili o se fesoasoani ona o le to’atele o lo’o a’afia i sauaga ona o le fefe ma le tusitusilima.
E le māmā lenei mataupu, ma o le tele o lu’itau pe a a’afia le mafaufau, e le gata o le a afaina ai le auaunaga o se fale-faigaluega, ae faapēnā ona a’afia ai aiga, o fanau, faapea ma nu’u ma le atunu’u. O Samoa o lo’o fa’avae ana auaunaga tausili i so’o se fale-faigaluega i ana tu ma aganu’u, e pei o le fa’aaloalo, alofa ma le tautua matavela. O nei tu ma aga a Samoa e mafai ona fa’alautele e fai ma vaifofō ina ia maua le mafaufau maloloina o le tagata faigaluega.
O se fa’amalosi mo fale-faigaluega uma faapea ma ta’ita’i o Samoa, e tāua tele la tatou pitolaau fai fa’atasi. Afai e lagonaina e so’o se tagata faigaluega o lo’o iai tu ma aga e pei o le alofa ma le fa’aaloalo, e ta’ita’itama ai le fa’atinoga o le galuega, o le a si’itia ma maoa’e so’o se auaunaga, o le a telē le lagolago a le aufaigaluega, ma fa’atuatuaina ta’ita’i o so’o se fale-faigaluega.
O le fesili – O a nisi taumafaiga tatou te galulue ai ina si’itia le soifua maloloina o le mafaufau i totonu o se fale-faigaluega? Ia tatou:
• Lagolago ma fai le fale-faigaluega o se nofoaga e fiafia ai tagata e galulue.
• Ia saogalēmū le fale-faigaluega mo tagata uma, e aunoa ma le tusitusi lima ma le fa’ailoga tagata
• Ia amanaia le taimi e tatau ona mālōlō, ma mafuta ai le tagata faigaluega i lona aiga
• Ia fa’atino ni a’oa’oga e si’itia ai le malamalama o ta’ita’i o fale-faigaluega i le tāua o le soifua maloloina o le mafaufau.
E toe fia fa’aleo le tele o taumafaiga a Samoa ua iai, e pei ona iai le saunoaga a le Afioga i le Sui Palemia i lana saunoaga autū i le Aso Sa, na tatalaina ai lenei Vaiaso Faapitoa mo le mafaufau maloloina.
– O galuega ma auaunaga e tauala atu le Matagaluega a le Soifua Maloloina, ua amanaia ma tu’ufa’atasia ai vaega o le siakiina o so’o se gasegase, e le gata i le tino ae ua aofia ai ma le mafaufau. O lenei taumafaiga, ua tatau ona fa’ata’ita’i ma fa’atino e fale-faigaluega, e le gata o le ausia o galuega a le aufaigaluega, ae ia silasila toto’a i a’afiaga o le soifua maloloina o le mafaufau.
– Ua tele polokalame fa’alauiloa, o auaunaga mo le fa’atalatalanoaina o i latou ua a’afia, faapea ma faigafa’avae ma tulafono mo le unaia o le soifua maloloina o le mafaufau.
– Ua tele polokalame ma auaunaga e taofi ma fa’atonutonu ai mafuaaga fa’avae o le a’afia ai o le mafaufau e pei o le ava malosi ma le tagofia o fualaau fa’asaina.
Ae peita’i, o lo’o mana’omia ona fa’aauau ona tapisa lenei mataupu i auala saogālēmū, alofa lē fa’atuāoia, ma aua ne’i iai se tusitusilima. E mo’omia na lalago fa’atasi auaunaga fa’asoifua-maloloina ina ia si’itia faigafa’avae ma tulafono e aofia ai vaega o le mafaufau manuia e aunoa ma le fa’aitū-au.
O le pitolaau a aiga, āoga, fale-faigaluega, nu’u aemaise ekalesia o le ogatotonu lea o le fa’avae o le soifua maloloina e aofia ai ma le mafaufau manuia.
E toe momoli le agaga fa’afetai i a tatou auaunaga ma fale-faigaluega ua potopoto lenei aso, i lā outou lagolago i lenei fa’amoemoe. E fa’afetaia a tatou paaga uma fa’asoifua maloloina faapea ma auaunaga o lo’o fa’aauau ona galulue mo le soifua maloloina o le mafaufau.
Ou te fiafia tele e fa’alauiloa ai fo’i le fa’amae’a ai o fa’atinoga uma o le Vaiaso Faapitoa o le Soifua Maloloina o le Mafaufau i Samoa i le asō.
Agalelei le Atua i fuafuaga o lenei aso, aemaise fo’i le aga atu mo le Aso Sa faapitoa o le fanau.
SOIFUA
