KEYNOTE ADDRESS by the Minister of Sports and Recreation Hon. Laumatiamanu Matthew Ringo Purcell (Saturday, 22 March 2025)
Susuga Taitai o le Sauniga
Members of the Diplomatic Corps
Distinguished Members of the Chinese Communities
Sports Bodies and Organisations
Distinguished Guests
Ladies and Gentlemen
Talofa lava and a warmest good morning to you all.
Today, we gather to celebrate 50 years of collaboration between Samoa and China in the fields of sports, education, agriculture, technology, medical support-a partnership that has strengthened our communities and shaped our shared future.
Sports play a vital role in shaping our communities. It builds discipline, teamwork, and healthy lifestyles, while also providing opportunities for our athletes to excel at the national and international levels. The Ministry of Sports and Recreation (MSR) is committed to elevate sports in all aspects, from development programs to sports facilities that are fit for purpose and comply with international standards. In terms of recreation, MSR is tasked with providing better facilities for public use and enhance the quality of life for all Samoans.
Through our long-standing friendship with China, we have seen remarkable developments; better sports facilities, enhanced coaching programs and increased opportunities for our athletes to compete internationally.
Beyond sports, this collaboration has also advanced education, agricultural innovation, and technological and medical progress, helping Samoa build a more sustainable and prosperous future. We acknowledge and appreciate the commitment of China and our Chinese partners in supporting our national growth and development.
Today’s event is a celebration of this journey; a showcase of talent, teamwork and the spirit of cooperation that defines our two nations. I encourage each of you to take part, enjoy the activities, and continue fostering friendships that will last for generations.
On behalf of the Government of Samoa, fa’afetai tele lava to all our partners, organizers, and participants. May we continue to strengthen our bonds and achieve even greater sporting milestones together.
Soifua ma ia Manuia.
FA’ATĀUAINA O LE FAIGĀ PA’AGA A SAMOA MA SAINA TAUALA I ATINA’E TAU TA’ALOGA LEA UA ATOA LE 50 TAUSAGA O LEA FAIGĀUŌ MĀFANAFANA.
SAUNOAGA AUTŪ a le Afioga i le Minisitā o le Matāgaluega o Ta’aloga Ma Alagā’oa Mo le Soifua Fiafia O Tagata iā Hon. Laumatiamanu Ringo Purcell. [Aso To’ana’i, 22 March 2025.]
Susuga Taitai o le Sauniga
Afioga i Minisita ole Kapeneta,
Sui o Malō ma a tatou paaga mai atunuu mamao,
Sui o Pisinisi ma Faalapotopotoga Tumaoti
Faalapotopotoga o Taaloga eseese i Samoa
Aemaise Samoa ua potopoto
O sa ma faigata o Samoa ua potopoto mai i lenei taeao, o le a tāoto ā faamāene o tai loloto. E le toe tau faamati’eina ou pa’ia e mai le vavau e oo i le faavavau. O pa’ia foi o eleele sa ma fanua tapu o loo tapuvae tasi mai iai le faamoemoe i lenei taeao, o lea ua uma ona saunoa iai le fofoga o le aso. Ae tau lava ina ou faatulou iai.
Ua mae’a foi ona tafili le agavao faa-le-agaga ma faausu lupe o manū i le Tapaau Sili i le Lagi ona o Lana faasoa i le soifua ma le ola e pei ona saunia e le Taitai o le Sauniga. E faaluaina ai le agaga o le faafetai mo upu tima’i ma faamanatu lelei i faamoemoega uma o lenei aso. Tatalo ina ia maua pea le tumu o le Agaga Paia auā le feagai ai ma le valaauina.
O le a avea le leo faatauvaa o la outou Minisita e fai ma fofoga o lo tatou Malō, e faaleo atu ai le agaga o le faafetai i la outou valaaulia faaaloalo e pei ona iai le taeao nei. O se faamoemoe taua ma matagofie a’o tatou iai lea i le faamanatuina o le 50 tausaga o le faiga-paaga a le Malo o Saina ma Samoa, e faaaogaina ai tulaga tau taaloga ma ni isi o auaunaga ma alagaoa mo le fiafia o tagata, e tuufaatasia ai o tatou tagata ma faamalosia ai fesootaiga mo le lumanai. Ua mautinoa, ua o gatasi lenei faamoemoe ma le Vaai Mamao a le Matagaluega o Taaloga ma Alagaoa mo le Fiafia o Tagata-“o le faaleleia ma le siitia o taaloga i soo se itu; e aofia ai malae ma fale taalo faapea a tatou tagata taalo” i totonu o Samoa.
Ou te fiafia tele ai e faailoa atu ma le agaga faaaloalo, e matua’i lagolagoina atoa e le Malo o Samoa, tauala atu i le Matagaluega o Taaloga ma Alagaoa mo le Fiafia o Tagata soo se faamoemoe ma soo se taumafaiga e atina’e ai taaloga i totonu o le atunuu. Ua mautinoa, o taaloga ua avea lea ma se tasi o vaega ua mafai ona tuufaatasia ai tagata e ui lava i sou faasinomaga ma ua mafai foi ona avea ma auala e fesoasoani ai e faatupulaia le soifua lelei ma le maloloina o tagata.
O le faiga-paaga a Samoa ma Saina ua telē sona sao mo le atinaeina o taaloga i si o tatou atunuu – ua faaleleia malae ma fale taaalo, fesoasoani e faaleleia tulaga tau faiaoga o taaloga aemaise ai avanoa mo a tatou tagata taaalo e tauvā ai i atunuu i fafo. O tua atu foi o taaloga, o lo o iai ni isi o auaunaga ma faamoemoega ua faatino ina i lenei faiga-paaga e pei o le faaleleia o aoaoga, auaunaga tau faatoaga ma le soifua maloloina. E avea ai lo’u leo faatauvaa e fai ma sui o le Malo faapea tagata nuu uma o Samoa, e faaleo ai so tatou agaga faafetai ma le faamalō i le malō o Saina ma ana paaga mo le fesoasoani malosi i atinae a si o tatou atunuu.
Momoli foi le faafetai ma le faamalō i a outou uma lava ua mafai ona auai potopoto i lenei taeao e faatino ma molimauina lenei faamoemoe taua. Tau ina ia avea lenei mafutaga e faalauteleina ai ma faamausaliina ai a tatou sootaga faa-le-taaloga aemaise ai o le lagolagosua malosi mai a paaga faa-pisinisi ma faalapotopotoga tau taaloga ua tatou mafuta ai i lenei taeao.
Soifua.
Ata Pueina – Malo o Samoa (Leota Marc Membrere)
